اليسار ضَيعِلنا 60 عام من عمُرنا
محمد الحمّار
في مسيرتي الفكرية و "السياسية" خالطت اليسار لكن ما انضَميتلوش. كتبت في الصحافة العربية اليسارية ("الحوار المتمدن"الخ). يسار بالنسبة لشنوة؟ يسارنا راهو استلاب للآخر، للغرب، لشرق اوروبا تحديدا، محاكاة ليهم: يسار بالنسبة للنصرانية، للكنيسة، رغم أحنا ماعندناش كنيسة في الثقافة الإسلامية. يسار تضيِيع وقت. شوفو النتائج في واقع اليوم.
في مسيرتي خالطت العروبيين لكن ما انضَميتلهمش. كتبت في الصحافة العروبية (جريدة "الموقف" التونسية الخ) من أجل التعبير عن جانب من الشخصية متاعي كتونسي، لا أكثر. لا بَعث ولا هُم يَبعثون. ولا هُم يُبعثون، عدا في يوم القيامة.
خالطت اليسار الإسلامي في تونس (جماعة احميدة النيفر وصلاح الدين الجورشي) لكن ما انضَميتلهمش. يسار بالنسبة لشنوة؟ للإسلام نفسو؟ تي هو دين يساري من أساسو. موش ابراهيم كان "حنيفا" حسب كلام ربي؟! إيه، حنيف موش معناها anticonformiste ؟! يقُلي يسار بالنسبة للفقه الإسلامي، معاه. يقُلي يسار بالنسبة للمُدونة المحافظة دينيا بأشكالها، معاه. إنما يقُلي يسار بالنسبة لجوهر الإسلام. نقُلو برة العب بعيد.
فبحيث هاليسارات ضَيعولنا تقريبا 60 عام من عمُر القوم أو الأمة أو الشعوب والمجتمعات متاعنا. فبحيث راهي يسارات طوبوية. أكثر طوبوية من الطوبوية الدينية (اللي هي من مُسبباتها). من اللخر، ماثماش يسار سوى في الكياس وقت المجاوزة بالكرهبة. بالتالي الواحد ما ينَجم يكون كان على يسار اليسارات هاذي، حنيف. ونتقابلو تحت التوتة.
في مسيرتي الفكرية و "السياسية" خالطت اليسار لكن ما انضَميتلوش. كتبت في الصحافة العربية اليسارية ("الحوار المتمدن"الخ). يسار بالنسبة لشنوة؟ يسارنا راهو استلاب للآخر، للغرب، لشرق اوروبا تحديدا، محاكاة ليهم: يسار بالنسبة للنصرانية، للكنيسة، رغم أحنا ماعندناش كنيسة في الثقافة الإسلامية. يسار تضيِيع وقت. شوفو النتائج في واقع اليوم.
في مسيرتي خالطت العروبيين لكن ما انضَميتلهمش. كتبت في الصحافة العروبية (جريدة "الموقف" التونسية الخ) من أجل التعبير عن جانب من الشخصية متاعي كتونسي، لا أكثر. لا بَعث ولا هُم يَبعثون. ولا هُم يُبعثون، عدا في يوم القيامة.
خالطت اليسار الإسلامي في تونس (جماعة احميدة النيفر وصلاح الدين الجورشي) لكن ما انضَميتلهمش. يسار بالنسبة لشنوة؟ للإسلام نفسو؟ تي هو دين يساري من أساسو. موش ابراهيم كان "حنيفا" حسب كلام ربي؟! إيه، حنيف موش معناها anticonformiste ؟! يقُلي يسار بالنسبة للفقه الإسلامي، معاه. يقُلي يسار بالنسبة للمُدونة المحافظة دينيا بأشكالها، معاه. إنما يقُلي يسار بالنسبة لجوهر الإسلام. نقُلو برة العب بعيد.
فبحيث هاليسارات ضَيعولنا تقريبا 60 عام من عمُر القوم أو الأمة أو الشعوب والمجتمعات متاعنا. فبحيث راهي يسارات طوبوية. أكثر طوبوية من الطوبوية الدينية (اللي هي من مُسبباتها). من اللخر، ماثماش يسار سوى في الكياس وقت المجاوزة بالكرهبة. بالتالي الواحد ما ينَجم يكون كان على يسار اليسارات هاذي، حنيف. ونتقابلو تحت التوتة.
35°
25°
Comments
0 de 0 commentaires pour l'article 335714