"بربي فُك عليّ، عندنا ساعتين عربية"
محمد الحمّار
سِئلت زميلها في الدراسة "آش عندكم توة ( س 13 )؟ قاللها"بربي فُك عليّ، عندنا ساعتين عربية".
الجواب متاعو، بالنبرة متاع الصوت وبالنطرة متاع اللهجة، مُعَبر برشة. عربية وإلا فرنسية وإلا أي لغة راهي ما تتقراش في 2 سوايع مُتَتالية. في فرنسا، ما نعرفش، في انقلترا 40د وأحيانا 35د، في الولايات المتحدة ساعة و15د في أقصى الحَالات.
كي نشوف مكونات التربية والتعليم ما يحكِيوش على التوقيت (من ناحية مدة الحصة متاع اللغة) يغيب عليّ التفاؤل.
وقت قريت عربية في الثانوي، كنت نجِي يا الأول أو الثاني ومع هذا كنت نقَصر الوقت متاع حصة العربية بتصوير مُنڨالة فوق ورقة، ونُرشم كل دقيقة تمر، ونتنَفس الصعداء وقت ينوقز.
ثم وقت قَريت الانڨليزية، وفي النموذجي، كنت في حصة الزوز سوايع نخَلي التلامذة يُخرجو بين البِينين ومع هذا، ورغم قدرة التلاميذ الفائقة على الاستيعاب، إلا أنو بمرور الزمن في الحصة الثانية نشوف العينين تخَرتلِت وحوالِت والوجوه صفارت...ونقول في نفسي "والله حرام".
نَرجعو للعربية. برَبي تلميذ في سن 15-19 تدخُل عليه بأبو نواس وعمر بن أبي ربيعة والشنفرى وابو حيان التوحيدي ومحمود المسعدي، آش عمَل هالتلميذ للوزارة وللمشرفين على البرمجة؟ فاش ضَرهم بش يتشَمتو فيه كيف هكة؟!
راهو تلميذ متاع ثانوي ماهوش طالب في الجامعة، بالتالي قَرِّيه على الحياة المعاصرة، بلغة معاصرة. راهي العربية أمّ اللغات لكن رَدّيتوها محَنّطة. فقط شيرو للتلميذ على هاك الجهابذة بش يقراوهم في الدار. مطالعة فقط. تحسيس فقط. تمهيد فقط. في القسم لا. ما يتَبعهم حتى حد.
* أستثني كل الزملاء والزميلات متاع العربية من أيّ لَوم. فالمسألة خارجة عن إرادتهم وعن مشمولاتهم.
سِئلت زميلها في الدراسة "آش عندكم توة ( س 13 )؟ قاللها"بربي فُك عليّ، عندنا ساعتين عربية".
الجواب متاعو، بالنبرة متاع الصوت وبالنطرة متاع اللهجة، مُعَبر برشة. عربية وإلا فرنسية وإلا أي لغة راهي ما تتقراش في 2 سوايع مُتَتالية. في فرنسا، ما نعرفش، في انقلترا 40د وأحيانا 35د، في الولايات المتحدة ساعة و15د في أقصى الحَالات.
كي نشوف مكونات التربية والتعليم ما يحكِيوش على التوقيت (من ناحية مدة الحصة متاع اللغة) يغيب عليّ التفاؤل.
وقت قريت عربية في الثانوي، كنت نجِي يا الأول أو الثاني ومع هذا كنت نقَصر الوقت متاع حصة العربية بتصوير مُنڨالة فوق ورقة، ونُرشم كل دقيقة تمر، ونتنَفس الصعداء وقت ينوقز.
ثم وقت قَريت الانڨليزية، وفي النموذجي، كنت في حصة الزوز سوايع نخَلي التلامذة يُخرجو بين البِينين ومع هذا، ورغم قدرة التلاميذ الفائقة على الاستيعاب، إلا أنو بمرور الزمن في الحصة الثانية نشوف العينين تخَرتلِت وحوالِت والوجوه صفارت...ونقول في نفسي "والله حرام".
نَرجعو للعربية. برَبي تلميذ في سن 15-19 تدخُل عليه بأبو نواس وعمر بن أبي ربيعة والشنفرى وابو حيان التوحيدي ومحمود المسعدي، آش عمَل هالتلميذ للوزارة وللمشرفين على البرمجة؟ فاش ضَرهم بش يتشَمتو فيه كيف هكة؟!
راهو تلميذ متاع ثانوي ماهوش طالب في الجامعة، بالتالي قَرِّيه على الحياة المعاصرة، بلغة معاصرة. راهي العربية أمّ اللغات لكن رَدّيتوها محَنّطة. فقط شيرو للتلميذ على هاك الجهابذة بش يقراوهم في الدار. مطالعة فقط. تحسيس فقط. تمهيد فقط. في القسم لا. ما يتَبعهم حتى حد.
* أستثني كل الزملاء والزميلات متاع العربية من أيّ لَوم. فالمسألة خارجة عن إرادتهم وعن مشمولاتهم.
26°
18°
Comments
0 de 0 commentaires pour l'article 337493